NEES yari yatangaje ko atazatsindwa na Guinnée Equatorial!

Ikipe y'umupira w'amaguru mu Rwanda, Amavubi, yiteguye kuzakocorana n'ikipe ya Guinée Equatoriale yakoze imyitozo ihagije. Ni muri urwo rwego umutoza Michaël Nees yahamagaje abakinnyi bakina mu mahanga kugira ngo bazaze gufatanya na bagenzi babo bari mu Rwanda, kugeza ubu yamaze guhamagara batanu ari bo : Karekezi Olivier ukinira Helsingberg ; Saïdi Abedi Makasi (Hapeal petachtikva Fc ; Honore Kabongo (Maccabi Amidar Ramat Gan) ; Jimmy Mulisa (RFC Tournoi) na Ramadhan Nkunzingoma (PT Mazembe). Abo bakinnyi bategerejwe mu Rwanda kugira ngo bazakine umukino uzabahuza na Guinée Equatorial uzaba tariki 2 Kamena 2007 kuri sitade Amahoro, mu mikino ya nyuma y'icyo gikombe cy'ibihugu by'Afurika. Imikino ya nyuma y'icyo gikombe izabera mu gihugu cya Ghana mu 2008.

Ku bijyanye n'umukinnyi Lomami Jean ubu ngo nta kipe afite akinamo hanze, ahubwo arimo gukora imyitozo mu ikipe ya Rayon Sport. Umutoza Nees akaba yaramuhaye amahirwe yo kwitozanya n'ikipe y'igihugu y'Amavubi kugira ngo agire icyo yerekana ashoboye.

Mu bakinnyi ubundi Nees yahamagaraga mu mavubi atahamagaye hari Bobo Bola(suede) na Fritz Emeran Nkusi (Grèce).

Ubu abakinnyi bari mu myitozo bahamagawe n'umutoza Michaël Nees bakaba bakina mu makipe yo mu Rwanda ni Ben Mandela ; Eric Bakame ; Jean Claude Ndoli ; Elias Ntaganda ; Bonaventure Hategekimana ; Olivier Uwingabire ; Robert Ujeneza ; Abdul Sibomana ; Canisius Nshimiyimana ; Fréderic Ndaka ; Jannot Witakenge ; Manfred Kizito ; Haruna Niyonzima ; Jimmy Gatete ; Théoneste Muhayimana Yves Twajamahoro ;Jean Lomami ; Jean Baptiste Mugiraneza ; Jimmy Habimana ; Robert Ngoga ; Elias Uzamukunda ; Aimable Rucogoza.