| :: inyuma | Ohereza nawe Amakuru | Amakuru :: |
.:: KIYOVU 0-1 AS KIGALI ! |
||
 Umukino wa 18 wa shampiona ntabwo wahiriye ikipe yacu, kuko Ikipe AS KIGALI yari yawukaniye, ni mu gihe kandi kuko iyi kipe itaroye neza yakwisanga mu Cyiciro cya kabiri (2ème Division) kuko ubushize ku mukino wa 15 yo yari ku murongo wa nyuma, ku buryo itinya ko yajya munsi yawo, ibi rero byaje kugaragara muri uyu mukino, aho umwana muto(reba ku ifoto) uzwi ku izina rya BEBI , yibye umugono ku munota rwose wa mbere umupira ugitangira, maze ab'inyuma ba Kiyovu ntibarabukwa, igitego kiba kirinjiye ku ishoti ritunguranye, ryari riturutse kuri ani. Mu bafana twabajije uko babonye kiriya gitego bavuze ko impamvu ari iz'umwe mu bari inyuma witwa YAHAYA, warangaye akanga guhagarika uyu Bebi ubundi witwa ELIASI ukina imbere ha AS Kigali, maze agahita abona aho acisha. Aha kandi ntitwabura kubibutsa ko Bebi amaze gutsinda ibitego 6, muri iyi Shampiona. Umukino wakomeje Kiyovu yataka cyane kandi inabarusha, ku buryo igihe cyose umupira utarengaga igice cya kabiri cyo mu ruhande rwa As Kigali, ibi bivuze ko Possession du ballon yabaye iya Kiyovu hafi 80%. Ariko ntibyabujije HAMISI kurata ibitego bigera kuri 3 byari byabazwe. Umupira warangiye nta kindi gitego kigaragaye ku mpande zombi. Ikindi umuntu yavuga kuri uyu mukino, ni uko ari Coach, ari abakinnyi bose bavuga ko bayobewe uko byagenze ko kandi bari bawiteguyeho intsinzi. Twegereye JOJORI we adutangarize ko yumiwe, ko abakinnyi bari bameze neza, bafite morale, cyane kuko iyo ngo banatsinze bibashimisha kuko babihemberwa. bigaragara rero ko ntako batari bagize. Turacyatohoza inkuru yabyo bidushobokeye mwazayimenya... ni akagaruka.. |
||
Clément Mukimbili |
||
| :: inyuma | Ohereza nawe Amakuru | Amakuru :: |