Umukino Wa Gicuti na Electrogaz

15/11/2009 18:31'

Umukino wa gicuti Kiyovu yakinanye na Electrogaz urangiye neza nta nkomyi. Umuntu ntiyabura kuvuga ko Kiyovu iri kongera kwisuganya nyuma y'aho itsindiwe imikino ibiri yikurikiranya. Uwa Etincelles ndetse n'uwa APR, ibi rero byatumye Umutoza ndetse na komite ya tekiniki bateganya imikino ya Gicuti kugirango n'ubwo abakinnyi bari mu myitozo ihambaye buri munsi, ariko habeho n'ikintu cyo gukina n'izindi kipe kugirango hagaragare ukuntu abakinnyi bapangwa kandi bakanamenyerana dore ko benshi muri bo bakinaga m u yandi makipe. Imikino imaze gukinwa kugeza ubu ni 3 hari uwabanje wa Police aho Kiyovu yayinyagiye 3-0, hakurikiraho uwa AS Kigali nabwo Kiyovu irayihererana iyitsinda 5-0, none n'uw'uyu munsi nawo iwurangizanyije intsinzi ya 2-0. Ibi rero birerekana ko Umukino utaha wa Shampiona ishobra kuzawutsinda. Kuko uroye Morali abakinnyi bafite, imyitozo n'ibindi umuntu atarondora, nta kabuza bazatahana amanota 3. Ariko nta byera ngo de. Ikibuga cy'i Nyagisenyi ni Kibi hari igihe cyatonda Kiyovu. .